Кʹьтеба Пироз дәстпедьбә жь ԝе йәке, ча һәр тьшт сәр әʹрде у әʹзмана һатийә әʹфьрандьне, у нишан дькә кӧ чаԝа Хԝәде һәр тьштед бәдәԝ чекьр. Һәрге зарʹед ԝә һәнә, һун дькарьн али ԝан бькьн, ԝәки әԝана бәдәԝбуна щурʹә-щурʹә әʹфьрина бьвиньн. Дина зарʹа бьдьн сәр ԝе йәке, кӧ Хԝәде мәрьв ӧса чекьрьнә, ԝәки әԝана жь һʹәйԝана щӧдә дьбьн. Хԝәде фәрәсәтед ӧса дайә мә, ԝәки әм дькарьн хәбәр дьн, бьфькьрьн, тьшта чекьн, кʹьлама бьстьрен у дӧа бькьн. Али зарʹед хԝә бькьн рʹазибуне бьдьнә кʹьфше бона ԛәԝат у биланийа Хԝәде, ӧса жи бона һʹьзкьрьна ԝи, йа кӧ әԝ һәр әʹфьринәки хԝәрʹа дьдә кʹьфше.