ಬೈಬಲಿನ ಮೊದಲನೇ ಅಧ್ಯಾಯವು ಯೆಹೋವ ದೇವರು ಸ್ವರ್ಗದಲ್ಲೂ, ಭೂಮಿಯಲ್ಲೂ ಮಾಡಿದ ಸುಂದರ ವಿಷಯಗಳ ಬಗ್ಗೆ ತಿಳಿಸುತ್ತದೆ. ಹೀಗೆ ಅತ್ಯದ್ಭುತವಾದ ಸೃಷ್ಟಿಯ ಬಗ್ಗೆ ಅದು ನಮಗೆ ಮಾಹಿತಿ ಕೊಡುತ್ತದೆ. ಈ ಭಾಗದ ಮೂಲಕ ವಿಸ್ಮಯ ಸೃಷ್ಟಿಯಲ್ಲಿರುವ ವೈವಿಧ್ಯತೆಗಳನ್ನು ಗ್ರಹಿಸುವಂತೆ ನಿಮ್ಮ ಮಗುವಿಗೆ ಸಹಾಯ ಮಾಡಿ. ದೇವರು ಮಾನವರನ್ನು ಪ್ರಾಣಿಗಳಿಗಿಂತ ಎಷ್ಟೋ ಶ್ರೇಷ್ಠರಾಗಿ ಸೃಷ್ಟಿಸಿದ್ದಾನೆ. ನಮಗೆ ಮಾತಾಡುವ, ತರ್ಕಿಸುವ, ಹೊಸ ಹೊಸ ವಿಷಯಗಳನ್ನು ಕಂಡುಹಿಡಿಯುವ, ಹಾಡುವ, ಪ್ರಾರ್ಥಿಸುವ ಸಾಮರ್ಥ್ಯವನ್ನು ಕೊಟ್ಟಿದ್ದಾನೆಂದು ಮನಗಾಣಿಸಿ. ಯೆಹೋವನ ಅಪಾರ ಶಕ್ತಿ, ಜ್ಞಾನ ಮತ್ತು ಪ್ರತಿಯೊಬ್ಬರ ಮೇಲೆ ಆತನಿಗಿರುವ ಪ್ರೀತಿಯ ಕಡೆಗೆ ಗಣ್ಯತೆ ಬೆಳೆಸಿಕೊಳ್ಳುವಂತೆ ಮಗುವಿಗೆ ಸಹಾಯ ಮಾಡಿ.