တၢ်ကတိၤအိးထီၣ် အတၢ်နီၤဖး ၁
ဖဲပစးထီၣ်ဖး ၁ မိၤၡ့အခါန့ၣ် ပသ့ၣ်ညါဘၣ်လၢ ယဟိဝၤယွၤတ့လီၤဝဲမူခိၣ်ဒီးဟီၣ်ခိၣ်လီၤ. တကးဒံးဘၣ် ပထံၣ်ဘၣ်လၢ ယဟိဝၤယွၤတ့လီၤဝဲ တၢ်ဘၣ်တ့သ့ၣ်တဖၣ်န့ၣ် ဖျါဃံလၤဝဲဒိၣ်မးလီၤ. နမ့မ့ၢ်မိၢ်ပၢ်န့ၣ် သိၣ်လိနဖိဘၣ်ဃးဒီး တၢ်ဘၣ်တ့လၢ အလီၤကမၢကမၣ်တဖၣ်အံၤအဂ့ၢ် န့ၣ်တက့ၢ်. ဒီးနကြၢးတဲနၢ်ပၢၢ်နဖိလၢ ကစၢ်ယွၤတ့လီၤဝဲ ပှၤဟီၣ်ခိၣ်ဖိန့ၣ် အပတီၢ်ထီန့ၢ်ဒံးဆၣ်ဖိကီၢ်ဖိတဖၣ်လီၤ. လၢကျဲဒ်လဲၣ်. အဒိ ပှၤဟီၣ်ခိၣ်ဖိတဖၣ်န့ၣ် ကတိၤတၢ်, ဆိကမိၣ်တၢ်, တ့ထီၣ်တၢ်ပီးတၢ်လီ, သးဝံၣ်တၢ် ဒီးဃ့ဘါထုကဖၣ်တၢ်သ့ဝဲလီၤ. မၤစၢၤနဖိတဖၣ် ဒ်သိးအဝဲသ့ၣ်ကသ့ၣ်ညါဝဲလၢ ယဟိဝၤယွၤအိၣ်ဒီးတၢ်စိကမီၤ, တၢ်ကူၣ်သ့ ဒီးတၢ်အဲၣ်တၢ်ကွံလၢ ပဝဲတဂၤစုာ်စုာ် ဒီးလၢတၢ်ဘၣ်တ့ အဂၤခဲလၢာ်အဖီခိၣ်တက့ၢ်.
တၢ်ဂ့ၢ်လၢလာ်တဖၣ်
တၢ်မၤလိ ၁
ကစၢ်ယွၤတ့လီၤ မူခိၣ်ဒီးဟီၣ်ခိၣ်
လံာ်စီဆှံတဲဝဲလၢ ကစၢ်ယွၤတ့လီၤမူခိၣ်ဒီးဟီၣ်ခိၣ်လီၤ. ဘၣ်ဆၣ် တချုးလၢကစၢ်ယွၤတ့လီၤပှၤအဂၤဒီး တၢ်အဂၤတဖၣ်န့ၣ် ကစၢ်တ့လီၤဝဲမူခိၣ်ကလူးအဆိကတၢၢ်တဂၤန့ၣ် မ့ၢ်တတၤတဂၤလဲၣ်.
တၢ်မၤလိ ၂
ကစၢ်ယွၤတ့လီၤ ပှၤဟီၣ်ခိၣ်ဖိအဆိကတၢၢ်ခံဂၤ
ကစၢ်ယွၤတ့လီၤဝဲပိာ်မုၣ်ဒီးပိာ်ခွါအဆိကတၢၢ်ခံဂၤဒီး ဒုးအိၣ်အဝဲသ့ၣ်လၢ ဧ့ၤဒ့ၣ်တၤသၣ်အလီၢ်လီၤ. ကစၢ်ယွၤအဲၣ်ဒိးဝဲလၢ အဝဲသ့ၣ်ကစးထီၣ်သူၣ်ထီၣ်ဟံၣ်ဖိဃီဖိအတၢ်အိၣ်မူ ဒီးမၤကဲထီၣ်ဟီၣ်ခိၣ်ဒီဘ့ၣ်လၢပၤရဒံစူးလီၤ.