Bibele ikala ka litaba za pupo ili nto yelutusa kubona lika zende zanaaezize Jehova, ili kwa lihalimu ni fa lifasi. Haiba mu bashemi, mutuse mwanaa mina kubona lika zetabisa zabupile Mulimu. Mutaluse mo Mulimu naabupezi batu kuli babe ni buikoneli bobufita bwa lifolofolo, ili ka kulufa buikoneli bwa kubulela, bwa kunahana, bwa kupanga lika, bwa kuopela, mane ni bwa kulapela. Mubonise buitumelo ku Jehova kabakala maata ni butali bwahae mane sihulu ni lilato lahae la kubupa lika kaufela, kukopanyeleza cwalo ni luna.