Bible udi utuadija ne muyuki wa difukibua dia bintu bidi bimueneka, ukangula mêsu etu bua kumona bintu bilenga bidi Yehowa muenze mu diulu ne pa buloba. Wewe muikale muledi ambuluisha muanebe bua amone bintu bishilashilangane bidi bikemesha bidibu bafuke. Muleja muvua Nzambi mufuke bantu bua kuikalabu bashilangane bikole menemene ne nyama, mudiye mutupeshe mushindu wa kuakula, kuela meji, kuenza bintu, kuimba misambu, ne kusambila. Enza bua ikale ne dianyisha bua mudi Yehowa ne bukole ne meji, nangananga bua mudiye munange bifukibua biende bionso ne yonso wa kutudi.