Nsañu yakutachikilahu yamuBayibolu yahosha hayileñaleña, yatulejaña hayuma yalubanji yaleñayi Yehova, yamwiwulu niyahamaseki. Neyi mudi anvwali, kwashenu anyanenu eluki yileñaleña yayiwahi yayivulu. Yilejenu eluki Nzambi chaleñeleliyi antu munjila yayiwahi kwambukaku nawanyama, watwinka wuswa wakuhosha, kutoñojoka, kutuña yuma, kwimba nikulomba. Mwekeshenuña nenu mwamusakililaña Yehova hañovu nimaana akwetiyi, sweje-e chakeñayi yileñaleña yindi yejima, ninetu hamuntu-hamuntu.