Jinoin Baibõl̦ ej kwal̦o̦k kõn bwebwenatoun an kar Jeova kõm̦anm̦an men otemjej, im ej kal̦apl̦o̦k ad mel̦el̦e kõn men ko raiboojoj Jeova ear kõm̦anm̦ani ilo lañ im ioon lal̦ in. El̦aññe ewõr nejũm̦ ajri, jipañe bwe en kile joñan an kabwilõñlõñ menin kõm̦anm̦an ko an Anij me reoktak jãn doon. Kaalikkar ñane bwe Anij ear kõm̦anm̦an kõj armej bwe jen mãlõtlõt jãn menninmour ko ilo an kar letok ñan kõj maroñ eo ñan kõnono, l̦õmn̦ak, jel̦ã make kine juon men, bareinwõt al im jar. Jipañe bwe en l̦apl̦o̦k an kile joñan an Jeova kajoor, mãlõtlõt, el̦aptata joñan an l̦ap an yokwe aolep menin kõm̦anm̦an ko an ekoba kõj kajjojo armej.