Il-​Bibbja tibda billi tirrakkonta dwar il-​ħolqien li naraw b’għajnejna. B’hekk tgħinna napprezzaw l-​affarijiet tant sbieħ li Ġeħova għamel fis-​sema u fuq l-​art. Jekk int ġenitur, għin lil bintek jew lil ibnek biex jara u japprezza l-​varjetà tal-​għaġeb li hemm fil-​ħolqien. Iġbed l-​attenzjoni dwar kif Alla ħalaq lill-​bniedem biex ikun aqwa mill-​annimali, billi tah l-​abbiltà li jitkellem, jirraġuna, jivvinta affarijiet differenti, ikanta, u jitlob. Għinu jkabbar l-​apprezzament tiegħu għall-​qawwa u l-​għerf taʼ Ġeħova u speċjalment għall-​imħabba li Hu għandu lejn il-​ħolqien kollu tiegħu—inkluż kull wieħed u waħda minna.