Ipan Biblia achtoui kiijtoua kenijkatsa Jehová kichijchijki nochi kuajkualtsitsij tlamantli tlen onka ipan iluikaktli uan ipan Tlaltipaktli. Tlaj ta tikinpia mokoneuaj, xikinpaleui ma kipatiitakaj nochi tlen toTeotsij kichijchijtok. Xikiniljui kenijkatsa Jehová amo techchijchijki sanse kej tlapialmej, tojuantij ueli tikamanaltij, titlalnamikij, tiuikaj, timomaijtouaj uan ueli tijchiuaj yajyankuik tlamantli. Xikinpaleui mokoneuaj ma kikuamachilikaj kenijkatsa Jehová kipia miak chikaualistli uan tlauel tlalnamiki, uan nojkia ma kikuamachilikaj ya tlauel techiknelia uan kiiknelia nochi tlen kichijchijtok.