Biblia peua ika tajtoua keman Jiova kichijchiuak nochi tein tel kualtsin tein moajsi itech iluikak uan taltikpak. Komo tikonpia konemej, xikonpaleui maj kipatiuitakan nochi tein onkak tein se kimoujkaita. Xikonyeknexti ke Jiova amo kinchijchiuak taltikpakneminij ijkon kemej chijchiujtokej tapialmej, ta kinchijchiuak kemej uelis tajtoskej, tanemiliskej, kichijchiuaskej yankuik taman, mokuikatiskej uan kichiuaskej netataujtil. Xikonpaleui maj kiajsikamatikan ke Jiova kipia miak chikaualis uan tamatilis, uan okachiok, ke semi kitasojta nochi tein kichijchiuak, kampa no tipouij tisejsemej.