Bhaibheri rinotanga kusanangura ndhorondho yaro ngo kunanga zvisikwa zvinovoneka, zvecifunungura majiso edu kuti tivone zviro zvakaseja zvakaithwa ndi Jehovha, kudenga no pasi. Beseranyi mujiji wenyu kuti avone zvisikwa zvinoshamisa zvakasiana-siana. Sananguranyi kuti Mwari wakasika vandhu vakasiana ndhambo maningi no zvinyama, ngo kutiita kuti tikwanise kuvereketa, kurangarira, kukwanisa kuita zviro, kuimba zve kuita mukumbiro. Vaengejerenyi kubonga kwavo simba ra Jehovha pomwe no uzivi, maningi-ningi rudo hwake ku zvisikwa zvese—kubatanijavo umwe na umwe wedu.