Mapaceryiho a Nikupa 1
Piipiliya onapacerya alocaka sa opatuxiwa wa ichu, anikhaviheryaka woona oreera wa ichu Yehova opankeiye, wirimu ni veelaponi. Mwaari tiithi, mmukhaviherye mwaninyu woona ohiyana wa ichu sipatuxiwe. Mucicimiherye mukhalelo Muluku aapankeiye achu wi ekhale oohiyana ni axinama, aavahaka owerya oloca, wuupuwela, opaka ichu ivyaani, wiipa ni ovekela. Mmukhaviherye othamalela ikuru ni miruku sa Yehova xaxaxa osivela wawe soopatuxiwa soothene ophitaanyerya achu.
MU NIKUPA NENLA
MWAHA 1
Muluku Aapaka Erimu ni Elapo
Piipiliya onnaloca wi Muluku aapaka erimu ni elapo. Woomusuwela munkeelo yoowo aampankeiye woopaceryani ahaakumve opaka echu ekina?
MWAHA 2
Muluku Aampaka Mulopwana ni Muthiyana Oopacerya
Muluku aampaka mulopwana ni muthiyana oopacerya aakuha mu emaca ya Eteni. Owo achuna wi epake emusi ni emwaaceererye parataiso veelaponi.