Itech tlen tlajtos sección 1
Biblia peua technojnotsa itech kenon onochijchiuj nochi tlen tikitaj, techijlia nochi tlen melak kualtsin okichijchiuj Jehová ipan iluikak niman tlaltikpaktli. Tla tikinpiya mokoneuan xkinpaleui makitakan ika tlen miyek onochijchiuj melak temojkatlachialti. Xkimititi ika Jehová okinchijchiuj tlaltikpakchanejkej melak ueyixtokej xijkon ken yolkamej pampa ueli tlajtouaj, tlanemiliaj, kichijchiuaj yenkuikej tlemach, nokuikatiaj niman kinotsaj toTajtsin. Xkinpaleui melak makitlasojkaitakan ikojtilis niman itlamachilis Jehová, kenon yejua melak techtlasojtla tisesentemej niman noijki tlen okichijchiuj.
IPAN YEJUIN SECCIÓN
TLAMACHTIJLI 1
ToTajtsin okichijchiuj iluikak niman tlaltikpaktli
Biblia kijtoua ika toTajtsin okichijchiuj iluikak niman tlaltikpaktli. ¿Tleka toTajtsin kachtopa okichijchiuj se iluikaktekitketl akin melak okitlasojtlak ijkuak xikichijchiuaya okseki tlemach?
TLAMACHTIJLI 2
ToTajtsin kichijchiua kachtopa tlakatl niman siuatl
ToTajtsin kichijchiua kachtopa tlakatl niman siuatl niman okintlali ipan xochitlalpan ipan Edén. Yejua okinnauati makipeualtikan se familia niman makikuepakan tlaltikpaktli se xochitlalpan.