Onondaka Mbokuhimbika Onthele 1
Ombimbiliya ihimbika okupopia ovipuka Huku atunga vina tupondola okumona nevi tuhamono, vitulekesa okuti Jeova walinga ovipuka oviwa unene, vikahi keulu nevi vikahi pono pohi. Inkha una omona mukuatesako okutala ovipuka oviwa Jeova alinga. Mulekesa oñgeni Huku alinga ovanthu monkhalelo yelikalela unene novinyama, wetuavela ounongo wokupopia, nokusoka, nokulinga ovipuka, nokuimba, nokulikuambela. Mupameka opo apande epondolo nounongo wa Jeova, haunene ohole ena novipuka aviho atunga—okukutikinya-mo kese umwe puonthue.
MONTHELE EI
ELONGESO 1
Huku walinga Eulu Nohi
Ombimbiliya ipopia okuti Huku walinga eulu nohi. Okuti ove wii oandyu atetekela okutunga etyi ehenelinge ovipuka aviho?
ELONGESO 2
Huku walinga Omulume Wotete Nomukai Wotete
Huku walinga omulume wotete nomukai wotete evepake motyikunino tyo Endene. Ankho uhanda vakale novana nokulinga ohi aiho ikala omphangu yombembwa.