Baibuli neetandika erikugamba aha byahangirwe ebirikureebwa, neetuhwera kureeba ebintu birungi ebi Yehova yaahangire eby’omu iguru n’omu nsi. Waaba ori omuzaire, hwera omwana waawe kureeba ebyahangirwe ebitarikushushana ebirikutangaaza. Mugambire oku Ruhanga yaahangire abantu bari ab’omutaano munonga aha nyamaishwa, oku yaatuhangire turikubaasa kugamba, kuteekateeka, kukora ebintu, kweshongora n’okushaba. Muhwere kusiima amaani ga Yehova n’obwengye bwe, okukira munonga rukundo ei ainiire ebihangirwe byona​—otwariiremu na buri omwe ahariitwe.