Bibliya limbayamba na kutifotokozera bza kulengedwa kwa bzinthu, bzomwe bzimbatithandiza kufungula maso yathu kuti tiwone kudeka kwa bzinthu bzomwe Yahova adalenga kudzulu na pansi pano. Penu ndimwe m’bereki, thandizani mwana wanu kumbawona bzinthu bzakusiyana-siyana bzakudabwisa bzomwe Mulungu adalenga. Muthandizenimbo kuwona kuti wanthufe tidalengedwa mwakusiyana kwene-kwene na bzirombo, pakuti tidapasidwa luso la kulewalewa, kukumbuka, kukonza bzinthu, kuimba na kupemba. Muthandizeni kuti ambathembe mphanvu na nzeru za Yahova, na kutendambo lufoyi lomwe Mulungu analo pa bzinthu bzomwe adalenga, kuphatanidza ifepano.