Ọtonrhọ i Baibol na ọ ta kpahen ekwakwa Osolobrugwẹ ọ maren, ọ lẹrherẹ ọwan rhe ekwakwa irhorhomu ri Jehova ọ ma rhẹ odjuwu ọrhẹ otọrakpọ na. Orhianẹ wẹwẹ ọmiọmọ, yono ọmọ ọnọ, no rhe aruo emama sansan. Yonie kpahen oborẹ Osolobrugwẹ o ru ma ituakpọ nẹ aye i vẹnẹ eranmo na, nime Osolobrugwẹ ọ yẹ ituakpọ omẹgbanhon rẹ aye ina sabu tẹmro, roro emru, ruẹ ekwakwa ekpokpọ, so ijoro jeghwai nẹrhomo. Yono ọmọ ọnọ, no vwo ọdaremẹro kpahen omẹgbanhon ọrhẹ ẹghwanren i Jehova, maido ẹguọlọ ro vwo kpahen emama yen ephian.