Библийы ӕппӕты райдианы фыст ис, Йегъовӕ уӕлӕрвты дӕр ӕмӕ зӕххыл дӕр алцыдӕр куыд сфӕлдыста, уый тыххӕй. Ныййарджытӕ, уӕ сывӕллӕттӕн бамбарын кӕнут, нӕ алыварс дуне куыд диссаджы конд у, уый. Бамбарын сын кӕнут, Хуыцау нӕ афтӕ кӕй сфӕлдыста, ӕмӕ цӕрӕгойтӕй тынг хицӕн кӕнӕм – нӕ бон у дзурын, хъуыды кӕнын, ног цыдӕртӕ ӕрхъуыды кӕнын, зарын ӕмӕ Хуыцаумӕ кувын. Баххуыс сын кӕнут, цӕмӕй Йегъовӕйӕн йӕ миниуджыты тыххӕй аргъ кӕной – уый у стыр тых ӕмӕ зонды хицау ӕмӕ йе сконд дуне, уыимӕ махӕй алкӕй дӕр, бирӕ уарзы.