Aum Aunfank von de Schreft rät daut von de Schepfunk. Soo kjenn wie weeten, waut fa wundascheenet Jehova em Himmel un oppe Ieed jemoakt haft. Wan jie Kjinja haben, dan halpt dee to vestonen, woo väl veschiednet Jehova jemoakt haft. Wiest dee uk, daut Gott ons Menschen soo jemoakt haft, daut wie de Tieren wiet äwaläajen sent, biejlikj daut wie räden kjennen, nodenkjen, ons Sachen utjreblen, sinjen un bäden kjennen. Halpt de Kjinja, daut dee doahinja komen, woo väl Krauft un Weisheit Jehova haft un besonda, woo sea hee aul daut leeft, waut hee jemoakt haft – un doa es uk jieda eena von ons met en.