Bibliaqa puntata willakun ciëluchö y patsachö alläpa shumaq cösaskunata Jehovä kamanqantam. Wamrëkikuna kaptinqa, Diosnintsik imëkata kamanqampita agradecïdu sientikuyänampaq yanapë. Y animalkunanö mana kanqantsikta, sinöqa parlëta, pensëta, mushoq cösaskunata inventëta, cantëta y mañakïta yachaqta kamamanqantsikta shumaq entienditsi. Jina yanapë Jehoväqa alläpa puëdeq, alläpa yachaq y masqa alläpa kuyakoq kanqanta cuentata qokuyänampaq.