Bibliapica cielota, cai alpata Jehová Dios juyaillaguta rurashcatami parlashpa callarin. Taita Diospa juyailla rurashcacunata quiquinba huahuacunapash alicachichunmi ayudana capangui. Shinallata Jehová Diosca gentecunataca animalcunamanda yali imacunatapash rurashca caimandami gentecunaca parlaita, pensaita, candaita, mañaita ushan nishpa yachachipangui. Ashtahuanbash quiquinba huahuacunallata Jehová Dios tucui ushaita charijta, ali yuyaj cajta, tucuicunata juyashcatapash paicunallata cuenta japichunmi ayudapangui.