Пэрво, пала со росԥэнэнпэ андэ Библия, када, сар о Дэл стердя вся, со пэ ԥув. Кала амэ када адиносарас, тоди лас тэ гиндосарас, пэ скати шукарнэс вся стердя о Иегова по нэбо и пэ ԥув. Кала ту адинос кадэя книжка лэ бэятоса, сытяр лэс тэ диқэл, кай о Иегова стердя пэ ԥув вся най еқэндар. Подԥэн лэсти тэ шол сама, кай и мануша най кацавэ, сар и животни. О Дэл дя лэ манушэнди, кай вонэ тэ ӷанэн, тэ дэн дума, тэ гиндон, тэ терэн варисо нэво, тэ дилабэн и тэ мангэнпэ. Сытяр лэс, кай важ лэстэ тэ авэл куч, пэ скати о Иегова драго вся ӷанэн и полэл, и скати лэстэ зор. Сытяр, кай во май фартэ тэ полэл пала лэсти любовь, сави дицол андэ кода, сар во вся создал, ай кадяжэ, сар во создал амэн.