A fosi buku na ini Bijbel e fruteri wi fu den moi sani di Yehovah meki na hemel nanga grontapu. Efu yu abi pikin, dan yepi den fu si taki Gado meki furu difrenti sani. Fruteri den taki Gado meki libisma na so wan fasi, taki den koni moro meti. Libisma man taki, den man denki, den man meki sani, den man singi èn den man begi Gado. Yepi yu pikin fu frustan o furu makti nanga koni Yehovah abi. San moro prenspari, na fu sori den o furu lobi Yehovah abi gi ala den sani di a meki. Iya, a lobi ibriwan fu wi.