Bibele e qala ka ho re phetela pale ya dintho tse bopilweng, e re bolella ka dintho tse ntle tseo Jehova a di entseng lehodimong le lefatsheng. Haeba o motswadi, thusa ngwana wa hao hore a bone dintho tse ngata tse hlollang tse bopilweng. Mo bolelle hore Modimo o entse motho e le ya phahametseng diphoofolo. Motho yena o tseba ho bua, o tseba ho nahana le ho qapa dintho, o tseba ho bina, hape o tseba le ho rapela. Thusa ngwana wa hao hore a tsebe hore Jehova o matla e bile o bohlale. Hape mo thuse hore a tsebe hore Modimo o rata dintho tsohle tseo a di bopileng—ho akarelletsa le rona kaofela.