Alkitab dimimitian ku kisah ngeunaan ciptaan. Urang jadi apal kana hal-hal hébat nu Yéhuwa ciptakeun, boh di sawarga boh di bumi. Lamun boga budak, bantu budak Sadérék ningali hébatna rupa-rupa ciptaan Yéhuwa. Jelaskeun yén manusa diciptakeun leuwih mulya ti batan sato. Urang mah boga akal budi, bisa ngomong, nyieun rupa-rupa hal, ngawih, jeung ngadoa. Bantu budak ngahargaan kawasa, kabijaksanaan, sarta pangpangna kanyaah Yéhuwa ka kabéh ciptaana-Na, kaasup urang sorangan.