Náa Biblia nagi̱ʼdu̱u̱ najuiʼthá xóo niguma xúgíʼ rí nandoo nduʼyáá, naʼthúlúʼ mbá xúgíʼ dí mitsaan dí niʼni Jeobá náa mekhu ga̱jma̱a̱ náa ku̱ba̱ʼ. Xí ikháánʼ xtaʼdiin e̱ji̱n, atambáñun mbuyáá rí gíʼdoo numuu xúgíʼ dí kiʼni wíi. Arathún dí Jeobá niʼnii xa̱bu̱ mu muni mbaʼa dí xujkhúʼ tseni xóo dí mutamijná, mundxaʼwamíjna̱, muni wíi dí nanigu̱nʼ, muni ajmúú ga̱jma̱a̱ mutajkáan. Atambáñun e̱jña̱ʼ mú mbuyáá dí Jeobá gíʼdoo tsiakii ga̱jma̱a̱ ku̱ma̱, ma̱ngaa dí nandoo kaʼyoo wéñuʼ dí niʼni wíi, xó má mámbáa dí ikháanʼ.