Bible tatɛka la ɔkɔndɔ atɔ w’etongelo ka diangɔ diɛnama ndo dui sɔ diholaka washo aso lo diangɔ di’amɛna efula diakasale Jehowa l’olongo ndo la nkɛtɛ. Naka wɛ ekɔ ombutshi, kimanyiya ɔnayɛ dia nde mɛna diangɔ dia diambo diotshikitanyi diakatongama. Ɛnyande woho wele Nzambi akatonge anto ndeka nyama la fwa, lo tosha dikoka dia ntɛkɛta, dia nkanyiya, dia nsala diangɔ, dia memba esambo ndo dia nɔmba. Keketsha lowando lande lo wolo ndo lo lomba lele la Jehowa ndo djekoleko lo ngandji kande le ditongami diande tshɛ, mbidja ndo ɔmɔmɔ la l’atei aso.