Pego ya Baebele e simolola ka go re bolelela ka nako ya fa Modimo a ne a bopa dilo tsotlhe tse dintle kwa legodimong le mo lefatsheng. Fa o na le bana, ba rute ka dilo tse di farologaneng tse dintle tse Modimo a di bopileng. Ba rute gore Modimo o re dirile gore re se ka ra tshwana le diphologolo, o dirile gore re kgone go bua, go akanya, go tlhama dilo, go opela le go rapela. Ba thuse go lemoga maatla le botlhale jo Jehofa a nang le jone segolobogolo lorato lo a ratang dilo tse a di bopileng ka lone, go akaretsa le rona batho.