Ko e Tohi Tapú ʻoku kamataʻaki ʻa e talanoa ki he fakatupu ʻo e ngaahi naunau ʻi langi mo māmani, ʻo ʻai ai ke tau sio ki he ngaahi meʻa fakaʻofoʻofa naʻe ngaohi ʻe Sihová. Kapau ko ha mātuʻa koe, tokoniʻi hoʻo kiʻi tamá ke ne sio ki he fakaofo ʻa e kehekehe ʻo e fakatupú. Fakamatalaʻi ange ʻa hono fakatupu ʻe he ʻOtuá ʻa e tangatá ʻo lelei mamaʻo ange ʻi he fanga manú, ʻo lava ai ke tau talanoa, fakaʻuhinga, ʻilo ha ngaahi meʻa, hiva, pea mo lotu. ʻAi ke ne houngaʻia ʻi he mālohi mo e poto ʻo Sihová pea tautefito ki heʻene ʻofa ki he kotoa ʻo ʻene fakatupú​—ʻo kau ai ʻa kitautolu taki taha.