Makani Aantalisyo Achipaanzi 1
Bbayibbele lisaanguna kutubuzya atala akulengwa kwazintu alimwi litugwasya kuti tuzibe zintu zibotu zyakalengwa aJehova zili kujulu azili aanyika. Ikuti kuli muzyali, gwasya mwana wako kuti abone zilenge zisiyene-siyene zigambya. Muyiisye kuti Leza wakalenga bantu munzila iisumpukide kwiinda banyama nkaambo bantu balaambuula, balayeeya, balapanga zintu, balayimba alimwi balakonzya kukomba. Mugwasye abone kuti Jehova ulaamanguzu, ulaabusongo akuti ulaziyanda zilenge zyakwe zyoonse, kuswaanizya andiswe.
MUCHIPAANZI EECHI
Leza Wakalenga Julu Anyika
Bbayibbele lyaamba kuti Leza wakalenga julu anyika. Ngwaani mungelo ngwaakasaanguna kulenga katanalenga zintu zyoonse?
Leza Wakalenga Mwaalumi Amwanakazi Bakusaaguna
Leza wakalenga mwaalumi amwanakazi bakusaanguna akubabikka mumuunda waEdeni. Wakali kuyanda kuti babe abana akuti bachite kuti nyika yoonse ibe paradayizi.