Introdaksen Bilong Seksen 1
Long kirap bilong Baibel, em i stori long ol samting God i wokim, na i helpim yumi long lukim ol naispela samting Jehova i wokim, long heven na long graun. Sapos yu wanpela papa o mama, helpim pikinini bilong yu long lukim ol narakain samting God i wokim. Kamapim klia olsem God i wokim ol man i narapela kain long ol animal, yumi inap toktok, skelim ol samting, wokim ol samting, singsing, na beten. Kirapim ol long pilim strong na savetingting bilong Jehova, na moa yet pasin laikim bilong em long ol samting em i wokim—dispela i makim tu yumi ol man.
LONG DISPELA HAP
LESEN 1
God i Wokim Heven na Graun
Baibel i tok God i wokim heven na graun. Wai na God i wokim wanpela ensel fes tru long olgeta man na olgeta narapela samting?
LESEN 2
God i Wokim Fes Man na Meri
God i wokim fes man na meri na putim ol long gaden Iden. Em i laik bai ol i kamapim famili na mekim graun olgeta i kamap wanpela paradais.