Baibuli etandika n’ebazaaho okuhangwa kw’ebintu ebirukurorwa nukwo kitukonyere kusiima oburungi bw’ebintu byona ebi Yahwe yahangire omu nsi n’omu iguru. Obworaaba oli muzaire, konyera omwana wawe kurora omulingo Yahwe yahangire ebintu bingi ebirukuhuniriza kandi ebirukwahukana. Mwoleke ngu Yahwe akahanga abantu nibahukanaho n’ebisoro habwokuba akabaha obusobozi bw’okubaza, kutekereza, kukora ebintu, kuzina, n’okusaba. Konyera omwana wawe kurora omulingo Yahwe aine amaani, amagezi, n’omulingo agonza ebihangwa bye byona​—otwaliremu buli omu nk’omuntu.