Библия Иегованың дээрде болгаш черде кайгамчык чараш чүүлдерни канчаар чаяап турганындан эгелээн. Бо номну төлүңер-биле кады номчуп турар болзуңарза, бойдуста бар янзы-бүрү кайгамчык чаяалгаларны эскерер кылдыр, ону өөредиңер. Кижилер дириг амытаннардан ылгалып турар деп чүүлче ооң кичээнгейин салыңар. Чүге дизе Бурган биске чугааланыр, боданыр, чогаадыр, ырлаар, мөргүүр арга-шинекти берген болгай. Иегованың күжүн, мерген угаанын, ылаңгыя бүгү чаяалгаларга база биске ынакшылын үнелээр кылдыр төлүңерни өөредиңер.