Embimbiliya li fetika lulandu watiamẽla kovina via lulikiwa, oco tu kũlĩhe ovina via fina Yehova a lulika cikale ovina vi kasi kilu ale vievi vi kasi palo posi. Nda ove unjali, kuatisa omõlove oku limbuka ovina via litepa via lulikiwa okuti vi komõhisa. Lombolola ndomo Suku a lulika omanu okuti va velapo ovinyama, poku eca kokuavo uloño woku vangula, woku sokolola, woku panga ovina, woku imba ovisungo kuenda woku likutilila. U vetiya oku limbuka unene wa Yehova, ukũlĩhĩso kuenda ca velapo vali, u vetiya oku limbuka ocisola Yehova a kuetele ovina viosi a lulika oku kongelamo omunu lomunu pokati ketu.