Муқаддас Китоб бутун борлиқнинг яратилиши ҳақидаги ҳикоя билан бошланади. Ундан Яҳова еру осмондаги гўзал нарсаларни яратгани тўғрисида билиб оламиз. Агар сиз ота-она бўлсангиз, болангизга Худонинг ижодлари хилма-хиллигини кўришга ёрдам беринг. Худо инсонларни гапириш, мулоҳаза юритиш, ихтиро қилиш, куйлаш ва ибодат қилиш қобилияти билан яратиб, уларни ҳайвонлардан анча устун қўйганига эътибор қаратинг. Яҳованинг қудратию донолиги, айниқса, У барча яратган мавжудотларига, шу ўринда ҳар биримизга Ўз севгисини намоён этаётгани учун болангизда миннатдорлик туйғусини уйғотинг.