Muqaddas Kitob butun borliqning yaratilishi haqidagi hikoya bilan boshlanadi. Undan Yahova yer-u osmondagi go‘zal narsalarni yaratgani to‘g‘risida bilib olamiz. Agar siz ota-ona bo‘lsangiz, bolangizga Xudoning ijodlari xilma-xilligini ko‘rishga yordam bering. Xudo insonlarni gapirish, mulohaza yuritish, ixtiro qilish, kuylash va ibodat qilish qobiliyati bilan yaratib, ularni hayvonlardan ancha ustun qo‘yganiga e’tibor qarating. Yahovaning qudrati-yu donoligi, ayniqsa, U barcha yaratgan mavjudotlariga, shu o‘rinda har birimizga O‘z sevgisini namoyon etayotgani uchun bolangizda minnatdorlik tuyg‘usini uyg‘oting.