Marangaphanḓa A Tshipiḓa 1
Bivhili i thoma nga u ri vhudza nga ha mafhungo a tsiko i vhonalaho, ya ri thusa u vhona zwithu zwavhuḓi zwe Yehova a zwi sika ṱaḓulu na kha ḽifhasi. Arali ni mubebi, thusani ṅwana waṋu u vhona tsiko i mangadzaho yo fhamba-fhambanaho. Mu sumbedzeni nḓila ye Mudzimu a sika ngayo vhathu vha tshi fhira zwipuka nga nḓila khulwane vhukuma, a ri ṋea vhukoni ha u amba, u humbula, u ita zwithu, u imba na u rabela. Itani uri vha dzhiele nṱha maanḓa na vhuṱali zwa Yehova, zwihuluhulu nḓila ine a funa ngayo tsiko yawe—u katela na riṋe roṱhe.
KHA HETSHI TSHIPIḒA
NGUDO 1
Mudzimu O Sika Ḽiṱaḓulu Na Ḽifhasi
Bivhili i amba uri Mudzimu o sika ḽiṱaḓulu na ḽifhasi. Fhedzi, naa ni a ḓivha uri muruṅwa wa u thoma u sikwa hu sa athu u sikwa vhathu na zwiṅwe zwithu zwoṱhe ndi nnyi?
NGUDO 2
Mudzimu O Sika Munna Na Mufumakadzi Vha U Thoma
Mudzimu o sika munna na mufumakadzi vha u thoma nahone a vha vhea tsimuni ya Edeni. O vha a tshi ṱoḓa uri vha thome muṱa na u ita uri ḽifhasi ḽoṱhe ḽi vhe paradiso.