Maloŵe Gandanda ga Mbali 1
Baibulo jatandite ni kusala ya ngani syakwamba yakupanganyikwa. Patuwugwile meso, tukusalola yindu yakusalala yejinji yaŵayipanganyisye Yehofa, yakwinani ni yapacilambo capasi. Naga ali nangolo, amkamucisye mwanace jwawo kulola yindu yakusimonjesya yaŵapanganyisye Yehofa. Amsalile kuti Mlungu ŵapanganyisye ŵandu kuŵa ŵapenani kulekangana ni yinyama. Ŵandu akusaŵeceta, kuganisya, kupanganya yindu, kwimba soni kupopela. Amkamucisyesoni kuti am’yamicileje Yehofa ligongo lya macili, lunda soni cinonyelo cakwe pa yakupanganyikwa yakwe yosope kupwatikapo m’weji.
MU MBALI AJI
Mlungu Ŵapanganyisye Kwinani Soni Cilambo Capasi
Baibulo jikusasala kuti Mlungu ŵapanganyisye kwinani soni cilambo capasi. Ana mkulimanyilila lilayika liŵatandite kulipanganya Mlungu mkanapanganye cilicose?
Mlungu Ŵapanganyisye Jwamlume ni Jwamkongwe Jwandanda
Mlungu ŵapanganyisye jwamlume ni jwamkongwe jwandanda ni ŵaŵisile mu mgunda wa Edeni. Jwalakwe ŵasakaga kuti jemanjajo aŵeleceje ŵanace ni kulinganya cilamboci kuti ciŵe paladaiso.