Le Bibliaoʼ ku káajal yéetel u tsikbalil bix beetaʼabik tuláakal baʼal. Ku tʼaan tiʼ bix tu beetil Jéeoba le jatsʼuts baʼaloʼob teʼ kaʼanoʼ bey xan way Luʼumeʼ. Wa yaan a paalaleʼ, áant u yiloʼob bukaʼaj jatsʼutsil le jejeláas baʼaxoʼob beetaʼanoʼoboʼ. Aʼaltiʼobeʼ Jéeobaeʼ tu beetaj wíinik yéetel u páajtalil u tʼaan, u tuukul, u kanik u beet túumben baʼaloʼob, u kʼaay yéetel u orar. Le baʼaloʼobaʼ maʼ tu páajtal u beetik le baʼalcheʼoboʼ. Áant a paalal u yiloʼob bukaʼaj u poder, u naʼat Jéeoba yéetel bukaʼaj le yaabilaj ku yuʼubik t-oʼolal bey xan yoʼolal le u maasil baʼaloʼob tsʼoʼok u beetkoʼ.