Biblia ruzulú né ti relatu ni ruzeeteʼ ximodo guyáʼ guiráʼ ni nuu. Rusiidiʼ ni laanu de ca cosa sicarú ni bizáʼ Jiobá guibáʼ ne lu Guidxilayú. Pa nápaluʼ xiiñiluʼ, gucané laacabe gusisácacabe guiráʼ cani bizáʼ Dios. Bisiene laacabe bizáʼ Jiobá binni né gadxé capacidad ne maʼ gadxé modo bizaʼbe ca maniʼ, purtiʼ binni randa riníʼ, ruzáʼ cosa, ruundaʼ, riníʼ ique ne runi orar. Gucané ca xiiñiluʼ gudiicaʼ cuenta pabiáʼ nuu xpiaaniʼ Jiobá ne napa poder, ne ni jma risaca nga gúʼyacaʼ pabiáʼ nadxii Jiobá guiráʼ cani bizáʼ ne pabiáʼ nadxii cada tobi de laanu.