Tonatona Afugo Tipa Paparaha 1
Baibiri tona na gu pangbanga du tipa kusaahe, ka zaka bangirani kuti gu bawene ahe Yekova akusihe, ngbangbaturũ yo na auru kpotosende ane. Kangia vungugude nga mo, mo undo wiro u bi gu iˈiriwo kusikusiahe du ni bakiakia. Mo sa ru u ini wai Mbori akusi aboro i du tigayo kia ti anya, ni fuko gu tandu furani nga ga fugo, berãpai, mbakadaahe, bibia, gbiati kparakpee. Mo sa ru u rugu tiru na pa ga Yekova ome gbiati tatamana, na gbe, gu nyemuse du ko na ni tipa gako kusikusiahe dunduko—kodihe na ani ni basasa.
IN THIS SECTION
WIRIKAPAI 1
Mbori Akusi Ngbangbaturũ na Kpotosende
Baibiri naya Mbori Akusi Ngbangbaturũ na Kpotosende. Tipagine Mbori akusi maraika ti ni sa mbata fu ko kusi aboro na gu kura ahe dunduko?
WIRIKAPAI 2
Mbori Akusi Bambata Kumba na Dee
Mbori akusi bambata kumba na dee na ki moi yo rogo ati Edene. Ko aida i batika agude na ki hiisi kpotosende naabaha.