Lok me Cako Bute me 2
Pingo Jehovah ocoro pii aluka ma otyeko lobo me kare macon? Con i tekwaro pa dano, lweny mo ocakke—i kin jo mabeco ki jo maraco. Jo mogo, calo Adam, Kawa, ki wodgi Kain, guyero me timo jami maraco. Jo mukene manok, calo Abel ki Nua, guyero me timo jami mabeco. Pol pa dano kitgi odoko rac adada mumiyo Jehovah otyeko lobo me kare meno woko. Bute man bikonyowa me niang ni Jehovah neno gin ma wayero dok en pe biye ni jo maraco gulo jo mabeco.
I CEKCON MAN
Adam ki Kawa Pe Guwinyo Lubanga
Gin ango ma onongo dok pat ki yat acel moni i poto me Eden? Pingo Kawa ocamo nyig yat meno?
Akemo Okelo Nek
Lubanga ojolo mot pa Abel ento pe ojolo pa Kain. I kare ma Kain oniang meno, akemo omake matek ci en otimo bal mo marac adada.
Yeya pa Nua
I kare ma lumalaika maraco gunyomo mon i wi lobo, gunywalo awobe ma gudoko cogi co ma lubwura. Tim gero onya ka weng. Ento Nua onongo dok pat—en onongo maro Lubanga dok winyo doge.
Jo Aboro Gubwot ki i Pii Aluka
Kot ocwer pi nino 40 dyeceng ki dyewor. Nua ki jo me ode gubedo i yeya pi mwaka acel ki wiye. I agikkine, onongo dong gitwero kato woko.
