Sección 2, ¿kuna toqetsa parli?
¿Kunatsa Diosajj Uma Juicio aka oraqer apanïna? Jaqenakajj aka oraqen jakañ qalltapkäna ukhaw Supayajj Jehová Dios contra saytʼasiñ qalltäna. Adanasa, Evasa, Cainasa, yaqhep jaqenakasa Supay toqetwa saytʼasipjjäna. Yaqhepakiw Jehová Dios toqet saytʼasipjjäna, jupanakajj Abel, Noé satäpjjänwa. Walja jaqenakaw sinti jan walinak lurapjjäna, ukatwa Diosajj uka jaqenakar jiwarayäna. Jehová Diosajj khititsa saytʼasisktan uk sum yati, jupajj janirakiw jan walinakampejj kunatï walïki ukar atipjaykaniti, ukanak yateqañatakiw aka seccionajj yanaptʼistani.
AKA SECCIONANJJA AKA YATICHÄWINAKAW UTJI
3 YATICHÄWI
Adanampi Evampejj janiw Diosar istʼapkänti
¿Kunatsa Edén jardinankir mä alejj jan mayni alinakjamäkänjja? ¿Kunatsa Evajj uka alin frutap manqʼantäna?
4 YATICHÄWI
Colerampi atipayasisaw sullkapar jiwayäna
Diosajj Abel chachan ofrendapat wal kusisïna, Cainan ofrendapajj janiw kusisiykänti. Ukatwa Cainajj wal colerasïna, ukatjja jan wal luräna.
5 YATICHÄWI
Noé chachajj mä arca luräna
Diosar jan istʼir angelanakajj warminakampiw casarasipjjäna, wawanakapajj nuwasiri jachʼa jaqenakäpjjänwa. Uka tiempojj nuwasiñampi phoqantatänwa. Ukampis Noé chachajj Diosar wal munasïna, ukatwa istʼäna.
6 YATICHÄWI
Kimsaqallqo jaqenakaw salvasipjjäna
Uma juiciojj paskäna ukhajj 40 uruy arumaw jallojj wal purintäna. Noé chachampi familiapampejj mara jilaw arca manqhan jakapjjäna. Tukuyaruw arcat mistjjapjjäna.