Нәјә ҝөрә Јеһова гәдим дөврдә дүнјаны дашгынла мәһв етди? Бәшәр тарихинин башланғыҹындан хејирлә шәр арасында мүбаризә олуб. Адәм, Һәвва вә онларын оғуллары Габил дә дахил олмагла, бәзи инсанлар шәрин тәрәфини тутду. Һабил вә Нуһ кими, диҝәр инсанларса хејрин тәрәфини тутду. Инсанларын әксәријјәти о гәдәр корланмышды ки, Јеһова бу пис дүнјаны мәһв етмәк гәрарына ҝәлди. Бу һиссәдән ҝөрәҹәјик ки, Јеһова бизим һансы тәрәфдә олдуғумузу билир вә О, һеч вахт шәрин хејир үзәриндә гәләбә чалмасына јол вермәјәҹәк!