Majubul ma pes 2
Inyuki Yéhôva a bi lona ntida malép u u bi tjé nkoñ isi u dilo ti? I bibôdle bi niñ bi bôt ba binam, sañ i bi bôdôl ipôla loñge ni béba. Bôt kiki Adam, Éva, ni man wap Kain, ba bi pohol i boñ béba. Ndék bôt ipe, kiki Abel bo Nôa, ba bi pohol i boñ loñge. Libim li bôt li bi téñbe i boñ béba kayéle Yéhôva a bi tjé i béba nkoñ isi u. Ini pes i ga hôla bés i nok le Yéhôva a ntehe i jam di mpohol i boñ, ni le a ga neebe bé le béba i yémbél loñge to kel to yada.
MUNU PES INI
Adam bo Éva ba bi ndogbene Djob
Kii i bé boñ le e yada i ba tôbôtôbô ikété wom Éden? Inyuki Éva a bi je litam li e i?
Hiun hi nkena manola
Djob a bi neebe likébla li Abel, ndi li Kain bé. Ngéda Kain a yi hala, a bi unup ngandak, a boñ béba jam.
Nkuu Nôa
Ngéda bibéba bi biañgel bi bii bôda hana isi, bi bi gwal bon ba ba bé mimpémba mi bôt ba manola. Njôô i bé homa nyensô. Ndi Nôa a bé bé hala—a bé gwés Djob, a nôglak ki nye.
Bôt juem ba bi pei inyu jôp i mbok yondo
Nop a bi no 40 ma dilo, juu ni njamuha. Nôa ni lihaa jé ba bi tégbaha iloo nwii wada ikété nkuu. Sôk i nsôk, Djob a kal bo le ba pam i mbédgé.