Introduksiyon sa Seksiyon 2
Taano ta nagpaabot si Jehova nin sarong baha na puminara sa kinaban kan panahon na idto? Sa kapinunan kan kasaysayan nin tawo, nagkaigwa nin labanan—labanan kan marahay saka maraot. May mga tawong arog ni Adan, Eva, asin kan aki nindang si Cain, na kuminampi sa maraot. May nagkapirang arog ni Abel saka Noe na kuminampi sa marahay. Nagin marauton an kadaklan sa mga tawo kaya tinapos ni Jehova an maraot na kinaban na idto. Tatabangan kita sa seksiyon na ini na manudan na nahihiling ni Jehova kun arin an kinakampihan ta asin na dai nanggad siya matugot na madaog kan maraot an marahay.
SA SEKSIYON NA INI
LEKSIYON 3
Dai Nagsunod sa Diyos si Adan Asin Eva
Taano ta naiiba an sarong puon nin kahoy sa hardin nin Eden? Taano ta kinakan ni Eva an bunga kaiyan?
LEKSIYON 4
Paggadan Dahil sa Kaanggutan
Inako nin Diyos an dulot ni Abel pero dai niya inako an ki Cain. Kan maaraman ini ni Cain, angguton siya asin guminibo nin marauton na bagay.
LEKSIYON 5
An Arka ni Noe
Kan an maraot na mga anghel mag-agom nin mga babayi digdi sa daga, nagkaaki sinda nin mga lalaki na nagin marauton na mga higante. Lakop an karatan. Pero naiiba si Noe—namumutan niya an Diyos asin nagsusunod saiya.
LEKSIYON 6
Walo an Nakaligtas sa Baha
Kan Baha, 40 aldaw asin 40 bangging nag-uran. Gabos-gabos, labing sarong taon si Noe asin an pamilya niya sa laog kan arka. Nakaluwas man giraray sinda.
