Fastok Blong Haf 2
?From wanem Jehova i mekem bigfala wota i ron blong spolem ol rabis man? Fastaem, evri samting i gud nomo, gogo nogud fasin i kamaot. Samfala, olsem Adam, Iv, mo boe blong tufala, Ken, oli jus blong mekem nogud fasin. Sam narafala, olsem Ebel mo Noa, oli jus blong mekem gudfala fasin. Bighaf blong ol man oli mekem i nogud, taswe Jehova i spolem olgeta. Ol stori we oli kam biaen, oli soemaot se Jehova i stap lukluk fasin blong yumi, mo bambae hem i no letem nogud fasin i winim gudfala fasin.
LONG HAF YA
STORI 3
Adam Mo Iv i No Obei Long God
?From wanem wan tri we i stap long garen blong Iden i spesel? ?From wanem Iv i kakae frut blong hem?
STORI 4
Kros i Lidim Ken Blong i Kilim Ebel i Ded
God i glad long presen blong Ebel be i no glad long presen blong Ken. Taem Ken i luk samting ya, hem i kros mo i mekem wan nogud samting.
STORI 5
Noa i Bildim Wan Sip
Sam nogud enjel oli mared wetem ol woman blong wol, mo oli gat ol bigbigfala pikinini we oli raf. Raf fasin i fulap. Be Noa i defren, hem i lavem God mo i obei.
STORI 6
Eit Man i Sef Be Ol Rabis Man Oli Lus
Bigfala ren i foldaon blong 40 dei mo 40 naet. Noa mo famle blong hem oli stap bitim 1 yia long sip ya. Biaen oli save go afsaed
