Se Ẹdinemede ke Ikpehe 2
Ntak emi Jehovah akanamde edịm ukwọ edep osobo ofụri ererimbot? Ibịghike ke Abasi ama okobot owo, mfịna ama ọtọn̄ọ. Akana mme owo ẹmek m̀mê idinam eti n̄kpọ m̀mê idinam idiọk. Ndusụk owo, utọ nte Adam, Eve, ye Cain akpan mmọ, ẹkemek ndinam idiọkn̄kpọ. Owo ifan̄ kpọt, utọ nte Abel ye Noah, ẹkemek ndinam eti n̄kpọ. Ndiọi owo ẹma ẹwak tutu. Oro akanam Jehovah osobo ererimbot ini oro. Ke ikpehe emi, iyokụt ke Jehovah ọdiọn̄ọ mbon emi ẹnamde ndiọi n̄kpọ ye mbon emi ẹnamde nti n̄kpọ. Iyonyụn̄ ikụt ke enye idiyakke mme owo ẹnam idiọkn̄kpọ ke nsinsi.
KE IKPEHE EMI
UKPEPN̄KPỌ 3
Adam ye Eve Ẹsọn̄ Ibuot ye Abasi
Nso ikanam eto kiet ke In̄wan̄ Eden edi san̄asan̄a eto? Ntak emi Eve akadiade mfri eto oro?
UKPEPN̄KPỌ 4
Iyatesịt Anam Enye Owot Owo
Abasi ama ama uwa Abel edi ikamaha eke Cain. Emi ama ayat Cain tutu enye anam idiọkn̄kpọ.
UKPEPN̄KPỌ 5
Ubom Noah
Ndiọi angel ẹma ẹto heaven ẹdi isọn̄ ẹdidọ iban ẹnyụn̄ ẹbon ikpọ nditọ afai. Afai ama ọyọhọ isọn̄. Edi Noah ekedi eti owo—enye ama ama Jehovah tutu.
UKPEPN̄KPỌ 6
Owo Itiaita Ẹbọhọ Ẹdụk Obufa Ererimbot
Edịm oro ekedep uwemeyo 40 ye okoneyo 40. Noah ye ubon esie ẹma ẹsịne ke ubom oro ẹbe isua kiet. Ekem Jehovah ama ọdọhọ mmọ ẹwọrọ ke ubom oro.
