iKau ni iWasewase 2
Na cava e vakarusa kina o Jiova na vuravura ena waluvu? E basika e dua na leqa ena itekitekivu ni bula ni kawatamata—na veimecaki ni ka vinaka kei na ka ca. Eso era vakataki Atama, Ivi kei na luvedrau tagane o Keni nira vakatulewataka mera caka ca. Eso tale, me vakataki Epeli kei Noa era vakatulewataka mera caka vinaka. Dua na ka nodra caka ca e levu, e mani vakarusai ira o Jiova. Eda na vulica ena iwasewase qo ni kauaitaka o Jiova noda vakatulewa. Ena sega tale ga ni vakatara me yaco tiko ga na veika ca.
ENA IWASEWASE QO
WASE 3
Talaidredre o Atama kei Ivi
E duatani vakacava e dua na vunikau ena were o Iteni? Na cava e kania kina na vuana o Ivi?
WASE 4
Tini ena Laba na Cudru
E vakadonuya na Kalou na isoro nei Epeli, sega ni nei Keni. Ni kila qori o Keni, e cudru sara ga qai cakava na ka lialia.
WASE 5
Na Waqa i Noa
Nira vakawatitaki ira na yalewa ni vuravura na agilosi ca, eso kina na luvedra tagane vaka na tuawa, era dauveivakalolomataki. Levu na ivalavala voravora. Ia e duatani o Noa—e lomana na Kalou, e talairawarawa tale ga.
WASE 6
Bula ga e le Walu
E Waluvu ni tau na uca me 40 na siga, 40 na bogi. Ratou tiko ena waqa o Noa kei na nona vuvale me sivia e dua na yabaki. Oti ratou qai sobu.