Fã 2 Hiɛkpamɔ Wiemɔ
Mɛni hewɔ Yehowa kɛ nu afua kpãtã gbɔmɛi ahiɛ yɛ blema lɛ? Adam kɛ Hawa beiaŋ tɔ̃ɔ Abonsam je shishi akɛ ebaate shi ewo Nyɔŋmɔ. Mɛi fioo komɛi tamɔ Habel kɛ Noa hala akɛ amɛbaafi Nyɔŋmɔ sɛɛ. Shi mɛi komɛi tamɔ Adam, Hawa, kɛ amɛbinuu Kain hala akɛ amɛbaafee nɔ ni Abonsam sumɔɔ. Mɛi babaoo fee nibii gbohii aahu akɛ, Yehowa kpãtã nakai jeŋ fɔŋ lɛ hiɛ. Fã nɛɛ baaye abua wɔ ni wɔna akɛ, efɔŋ wɔhala jio, ekpakpa wɔhala jio lɛ, Yehowa naa, ni ehãŋ efɔŋ aye ekpakpa nɔ kunim kɔkɔɔkɔ.
YƐ FÃ NƐƐ MLI
NIKASEMƆ 3
Adam Kɛ Hawa Booo Nyɔŋmɔ Toi
Mɛni sa kadimɔ yɛ tso kome ko ni yɔɔ Eden abɔɔ lɛ mli lɛ he? Mɛni hã Hawa yaye tso nɛɛ nɔ yibii lɛ eko?
NIKASEMƆ 4
Kain Mlifu Lɛ Hã Egbe Gbɔmɔ
Nyɔŋmɔ mii shɛ Habel afɔle lɛ he, shi emii shɛɛɛ Kain nɔ lɛ he. Be ni Kain ná ele enɛ lɛ, emli fu waa, ni efee nɔ ko ni ehiii kwraa.
NIKASEMƆ 5
Noa Adeka Lɛ
Bɔfoi fɔji komɛi kɛ yei ni yɔɔ shikpɔŋ lɛ nɔ lɛ bafɔ oblaŋi ni yitseiaŋ wala. Awuiyeli gbɛ eshwa he fɛɛ he. Shi Noa fee ekpakpa. Esumɔɔ Nyɔŋmɔ ni ebo lɛ toi.
NIKASEMƆ 6
Ahere Mɛi Kpaanyɔ Ayiwala
Nugbɔ lɛ nɛ kɛjɛ leebi aahu kɛyashi gbɛkɛ gbii 40 sɔŋŋ. Noa kɛ eweku lɛ hi adeka lɛ mli afi kɛ sɛɛ. Sɛɛ mli lɛ, Nyɔŋmɔ kɛɛ amɛ akɛ amɛbaanyɛ amɛje kpo.
